【Quote of the Day】#時刻反思 #MrBusiness
「當你發現自己和大眾站在一邊的時候，反而該停下來反思一下。」— 馬克‧吐溫
做人要經常反省，先可以睇到自己不足，先可以不斷進步。
大眾意見，唔代表就係正確意見。喺唔同事情上面，我哋都會有自己諗法、立場，因為覺得係岩，所以堅持同守護，同時希望說服更多人有共同理念，成為「自己人」。不過，一旦多數人轉為同一理念時，自己就係時候作出反思，重新再審視件事。
點解要重新審視？因為身邊持同一立場嘅人越嚟越多，就會逐漸形成同溫層，話題變得單一，接收資訊亦狹窄。久而久之，局內人圍爐取暖，熾熱氣氛帶動下，自然容易出現盲點，認為所有想法都必然正確，造成「大方向無錯，小方向出錯」情況。
每一次嘅重新審視，就好似用局外人角度睇件事，減少主觀因素影響，或者又會帶到全新嘅想法俾自己。我知好多人都驚重新審視呢個行為，審視後確認想法正確當然無問題，最怕係要推翻自己昔日嘅論點，即係承認錯誤。其實作為平凡人，有錯又有咩問題呢？最緊要及早修正過來。股神之所以係股神，唔係佢每次投資決定都岩，而係佢買岩而獲利嘅次數，比佢買錯而回吐嘅次數多。
一時嘅過錯算不上什麼，錯而不改先係最大嘅錯誤。
Search